بسم الله ارحمن الرحيم

بدأت القصة لما كان { كاظم } يدق على صديقه { علاء }





ودار بينهم هذا الحوار




{ كاظم } : هلااااا صديقي { علاء } شلونك 00


{ كاظم } : الحمد لله وشلونك انت 00




{ كاظم } : بخير الله يسلمك ويرضا عليك .............. ويش رأيك تطلع معي من الطـــــرف الى الدمام بودي أختي حجية لخالتي أم وئــــام ونروح بعدين للبحرين وش رأيك



{ علاء }: والله فكره بس احس فيها إحراج يعني أروح معنا أختك و..




{ كاظم } : لااااااا ابد ما فيها شي بعدين حجية زي أختك




{ علاء }: طيب اتكلنا على الله




وطبعا حجية هذي كانت تموت في { علاء } فركبت وراه بالسياره وكتبت بورقه
{ علاء } أنا احبك كلمني على رقم 00000)
وأول ماركبت قامت وحطتها بيد { علاء } بدون ما يحس أخوها { كاظم }



المهم ان { علاء } قام يقول في نفسه : والله إحراج أخوها جنبي وهو اعز أصدقائي وتبيني اكلمها صدق قليلة أدب



طبعا البنت ما عجبها ان الولد ما رد قامت تنغزه وتسوي له حركااااااااااااااات !!!


هو يروح يمين وهي ورااااه تنغزه ومسكين يروح يسار و يبعد عنها وفي نفس الوقت طبعا ما يبي يحسس أخوها ان في شي جالس يصير عشان ما تصير مشكلة وكارثة.....





وشوي وإلا { علاء } صرخ في وجه { كاظم } وقاله وقف .....



رد عيه { كاظم } وقاله سلامات خير ان شاء الله ....



علاء أنحرج مايدري وش يقول ......وقال { لكاظم } بس شفتك تنعس قلت وقف وانا اسوق مكانك لا تودينا في داهيه قام وبدل مع { كاظم } سواقه علشان يبعد عنها. الا ان حجية (ان كيدهن عظيم ) قالت لأخوها وقف السيارة شوي بروح للدوره المياه...
وفعلا وقف ونزلت وبعدين رجعت ركبت لكن من جهة { علاء } ورجعت لحركاتها والولد صبر لين وصلواالدمام




ولما وصلو لقوا خالتها أم وئـــــــام رايحه برى البيت .... راحوا فندق وما لقوا الا جناح واحد فاضي ..... فحطوا حجية في غرفه مستقله وافصلوها بستار ....و { كاظم } و{ علاء } في الغرفه الثانيه ....


دخل { كاظم } يبي ياخذ دش الا يجي { علاء } ويقوله أنا بروح أكمل اجرائات الفندق واطلب العشا ....ارتبك { علاء } وقاله لا تتأخر ...... طووووووووووووول { كاظم } تحت و{ علاء } منتظر داخل الدوره ما يبي يطلع خايف من حجية لا تسوي شي معه ...... وراحت نص ساعه وساعه و { كاظم } ما رجع فقرر انه يطلع من الدوره ويروح يصك الغرفه على نفسه ......



اول ما فتح الباب والا الموبايل حقه يرن رنة رساله والثانيه وراها فاخذ الموبايل وقرا الرساله لقى فيه ( حبيبي { علاء } معاك حجية ممكن تجي الغرفه عندي { كاظم } اتصل وقال بيتاخر شوي ).....


اول ما قرى الرساله ويروح جري على غرفته ويفتح النور ويلقى وحده جالسه على السرير ومغطيه وجهها ..... { علاء } ما درى وش يسوي وقعد يسب ويلعن ويقولها يا بنت خافي ربك انتي ما تستحين !!! اخوك معانا وانا وياه اصدقاء يعني تبين تسوين فضيحة ؟؟!! قامت وحضنته وبهذي اللحظة يدخل { كاظم } أخوها ........على { علاء } وهو حاضن حجية







في هذه اللحظة وش تتوقعون ردة فعل { علاء } .......





وكيف موقفه قدام { كاظم } .......






وشلون يشرحله ........








وهل ممكن يصدقه .......








والمسيكين أنخبص عقله وأغمى عليه ......







ويقعد { كاظم } وأخته حجية يضحكوووون ضحك سنة بساعة ويحاولون يصحون { علاء } ويحاولون يقومون فيه .. ويقولون له قووم قووووووووم مافي حجية ولا شي ... طبعا اخت { كاظم } مو بنت!! هاذي واحد من الشباب هاهاهاااااااا بس لابس عباه ومسوي نفسه بنت عشان يسوي مقلب ومسكين { علاء } راح فيها ( صادوه)

ايش رأيكم في القصه تحياتي لكم --- ولد البلد