[align=center][align=center][/align]

+[ .. ثـلاث سـنـين .. ]+





ياعين هلي دموع الوجـد وانهمـري
محتاج لـي دمعتيـن تعيـد ترتيبـي
نويت دمر الزمان اللي نـوى دمـري
بايعـك ياطيبتـي شاريـك ياطيـبـي
والدانه اللـي تغنـج كنهـا القمـري
أمنتكـم بلغـوهـا يــا مناديـبـي
لاعاد تشفق على نخلـي ولا تمـري
ولا عاد تشره علي في قـل ترحيبـي
إن كان ربي عطاها لونهـا الخمـري
الله بنفسـي عوضنـي فقـر جيبـي
أمنتكم الله بلغوهـا تحتـري جمـري
مادام مافـاد معهـا حسـن تهذيبـي
إن عشت والله لأمشيها تحـت أمـري
وأحـس فيهـا تعـذب كثـر تعذيبـي
هذريت فيها ( ثلاث سنين ) من عمري
وان قالهـا الله لأخليهـا تهذريـبـي
[/align]

[align=right]
+[ .. لا تسـ ’ ـافـر .. ]+

قلبي له اليوم .. ( ثالث يوم ) موجعني
......... وعيني لها اليوم ثالث تجمع طيوفـك
والبال كنه على دروبك يوزعني
.........ولساني ماكنه إلا خلق لحروفك
لا النوم نافع ولا التفكير نافعني
.........أنام واصحى على الباقي من وصوفك
بالله قلي شعوري هذا وش يعـني
.........طمني الله يطمن همك وخوفك
بيني وبينك ترا اللي صدق ضيعني
.........إن انت بآخر لقا شارح لي ظروفـك
مدري وش أقول لكن تدري اسمعني
.........خابرك وافي وأبيك اتّم معروفك
إن كنت ناوي تسافر لاتودعني
.........بس انتبه لاتسافر قبل ما اشوفك[/align]


[align=left]
+[ .. أنت زعـ ’ ــلان ..]+





اسمعك ياللي تنادنـي يابـو قلـبٍ خلـي
بس انا ماني خلي القلب لأجل اسكت واجيك
الخلي ماهو بقلبٍ مـن هيامـك ممتلـي
الخلي قلب آدميٍ شافـك ولا هـام فيـك
انت زعلان لجفـاي مادريـت ان زعلـي
يوم قلبـك مايبينـي قـد ماقلبـي يبيـك
حتى لو عيت همومك في غيابـي تنجلـي
كل هذا مايساوي لهفتـي يـوم احتريـك
كان ماصدقت هرجي طيب اسمـع مايلـي
ياحبيبي يا عسى ربـي يحفظـك ويهديـك
جايز انك في غيابي تقلـب الدنيـا علـي
بس انا من قبل اعرفك قالب الدنيا عليـك



.[/align]
[align=center]
+[ .. النـ ’ ـاس .. ]+





ياصاحبي لاتجي وتقـول لـي قالـوا
لو قلت .. ماقلت غيـر الله يجازيهـم
لاشفت بعـض الاوادم للـردى مالـوا
نفضتهم مـن عيونـي قبـل اخليهـم
يكفيني القدر نلتـه يـوم مـا نالـوا
إلا .. أو أقول .. ما ابغى أجيب طاريهم
ما أقول غير انت لامن حطوا وشالـوا
تعـوذ برحمـة الله مـن اساميـهـم
وذكرهم إن الأعمار إن طالت وطالـوا
الخالـد الذكـر وإلا المـوت قافيهـم
أما انت ياقلب إن صالوا بـك وجالـوا
خلك مثل ما انت لاتشره على ايديهـم
الناس مـن خلقـة الدنيـا ومازالـوا
عيـال رجـال لكـن فيهـم وفيهـم
ذولاك من عرض ناس مالي إن مالوا
إلا اني اسكـت وأقـول الله يجازيهـم [/align]




[align=right]+[ .. خـ ’ ـلاص ..]+





ياصغيّر السن قدرك طاحت أبراجه
الجرح خلى الصخر ينطق ونطقنـي
خلاص ماعاد تعنينـي ولا حاجـه
رح جعل ربـي يوفقـك ويوفقنـي
من بعد ما كنت نور العمر وسراجه
اليوم صرت الظلام اللـي يطوقنـي
عطيتك أكثر من اللي كنت تحتاجـه
أسرفت فالحب لين الحب وهقنـي
خلاص مالي ومال الحب وإزعاجه
مالي ومال الدروب اللي تضايقنـي
تعبت أضم البحر واهـدي أمواجـه
تعبت أجامل وأشوف الوقت يسرقني
شكواي للي عليه الضيق وافراجـه
اللي إذا شاء يرحمنـي ويرزقنـي
أما انت يابو جبين عقّـد احجاجـه
لاعاد تسأل علامك منـت طايقنـي
الناس كلٍ على دربـه ومنهاجـه
وأنا عن الناس مابه شي يفرقنـي
إلا اني دايم أحب الصـدق وأواجـه
مخلوق والله على هالوضع خالقني
حتى رفيقي ضماد القلب وعلاجـه
على كثر ما أتمسك فيـه صدقنـي
لو ادري انه مرافقني على حاجـه
لاامسّكه حاجتـه وأقـول فارقنـي
[/align]

[align=left]
+[ .. رســ ’ ـالــة .. ]+







ياصاحبي جيتك اشكيلك من أحوالـي
جيت ومادامك رفيقـي ليـه أطوّلهـا
العلم وما فيه يا أول وآخـر أمالـي
عندي رساله ولا ادري كيف أوصلهـا
للي سبتني وأنا مـن قبلهـا سالـي
أبيك توقف معي .. وتروح وتسألهـا
وش فيها تفتح علي أبـواب عذالـي
وتحمّل النفس حاجـه مـا تحملهـا
وش فيها رغم الوفا تتركنـي لحالـي
وأنا لجفاها تركـت الدنيـا بأكملهـا
إن كان هذا زعل .. علمها يالغالـي
ما كان قصدي ورب البيـت ازعلهـا
علمها واللي يخلـي قلبـك الخالـي
عن ضيقتي وين وصلت من تجااااهلها
علمها كم لي وأنا ماشلـت جوالـي
كله علشاااان مـا اقلـب رسايلهـا
وعلمها وشلون لامرت علـى بالـي
أروح وأضـم صورتـهـا واقبلـهـا
وعلمها كيف انشغل عن كثرة أشغالي
واسرح واغمض عيونـي واتخيلهـا
علمها عني وعن همـي وغربالـي
علمها عن كل حاجـه فـي تجهلهـا
وان شفتها دنقت تبكي علـى حالـي
انسى الكـلام وتذكـر كلمـه وقلهـا
قل شاعرك يعتـذر ويعاهـدك تالـي
انـه يرتـب حساباتـه مـن أولهـا
ويقول حتى القصيد اللي علـى بالـي
والله ماعـاد اكتبـه كانـه يزعلهـا
[/align]

[align=center][/align]
[align=center]أتمنى موضوعي المتواضع نال الإعجاب والأستحسان

لكم ياورود أجمل وردهـ حُب وتقدير[/align]

[align=center]{..غروورغير..}[/align]