باك

في كم نكته كل ما اسمعها امووت ضحك ولو انها مكرره لكن تعجبني وتجبرني على الضحك
اللي هي

محشش سأل محشش قاله لو صحيت من النوم ولقيت نفسك ميت ايش تسوي قال والله لا انجن

ونكته ثانيه اللي محششين يتناقشون هذا القمر ولا الشمس مر عليهم محشش ثاني وسألوه بالله هذا القمر ولا الشمس قال والله ماني من الحاره هذي

.........


أذكر مره وانا صغيره كنت مره خوافه وبنص الليل أقوم واتخيل اصوات بعدين انط من سريري ألا وأنا عند اخوي طبعآ هذا اخوي كان مره متعاطف معي واقوله وانا ارتجف وعيوني تلمع من الدموع في حرامي تحت ...يقوم هو وياخذني لغرفتي ويسمي علي اللين انام ويرجع يا حلاته...
وعلى هالموال اللين مره ازعجته قالي روحي قولي لابوي

نطيت عند ابوي واطق باب الغرفه فتح لي ابوي قلت في حرامي تحت هذاك اليوم حسيت ابوي قوي
دخل الغرفه واخذ مسدس صغير
ونزل تحت لا وانا معاه ابي اشوف الحرامي
المهم لف بالبيت كله ما لقي شي
قال لا يا بابا يتهيئ لك روحي نامي
اليوم اللي بعده نفس السالفه >> انبسطت على ابوها
الا مره كذا نطيت عنده قلت ابوي في حرامي تحت
جا طل فيني وقال والله ان ما رحتي تنامي اني لا افضي رصاص المسدس في راسك
على طوووووول رحت لغرفتي واحلاا نومه
قال حرامي قال
ومن بعدها اسمع صوت واقول حتى لو حرامي بيسرق ويطلع بكيفه اهم شي الا المسدس

........



هذي السالفه تذكرني بأخوي الله يرحمه عن جد فراقه صعب علي
من بعد وفاته وانا اخاف على اخواني كلهم لا يبتعدون عني

احب اهلي كثير ولا احب اصدمهم فيني بيوم من الايام

..........

في ناس تمر بحياتك يضعون بصمه وناس يمرون ولا كأنهم مرو بحياتك
لكل شخص سلبيات وايجابيات
ولكن يعجبني اللي ايجابياته تغلب على سلبياته
احترم الشخص المحترم
يعجبني الرجل الغيور اللي يغار على اهله وبنات وطنه
يعجبني الرجل المتفاهم الطموح ذو الاخلاق العاليه
...

تعجبني الفتاة المهذبه الجذابه بحيائها و
الطموحه الذكيه
اللي فووق كل شي تحترم اهلها وسمعتها

...

اللي دائمآ افكر فيه ويشغل بالي
اللي هو هل الدنيا هي اللي تتغير ولا الناس اللي تتغير
كل ما اكبر اكتشف الكثير والكثير
بطبعي احب التجربه والاكشن بحياتي
ولكن بحدود
قبل لا افعل اي شي افكر بأهلي هل يرضيهم هذا الشي؟

لكل شخص اقول له اقترب من اهلك من اخوتك ما راح تخسر شي اذا سألة اختك وانت خارج توصي بشي ؟ > ادري ان اختك ما بتصدق خبر بتقولك ابي وابي ....... الخ
ولكن حلو لما تكون قريب منها لكي لا تبحث عن من يهتم لها
.....

ولكل فتاة اقتربي من امك اكثر ومن اخوتك اكثر وحاولي قبل كل شي تفعلينه تفكرين بأهلك صدقيني كلمه حلوه منك تكسبي اخوك قولي اللي بخاطرك له لا يجي بيوم والعياذ بالله تقولي ليتني قلت له وليتني احترمته...ووالديك فوق كل شي هم الاهم ..

.........

الانسان هو من يبحث عن المشاكل والهموم انت اللذي تأتي بالهم لنفسك

تفائل ان بكره احلا وان ما ينهي الحزن الا السعاده ولا ينهي السعاده الا الحزن

مافي شي يبقى على حاله

ولكن الاهمأ ننا نتذكر ان كل اللي كسبته لأجل الدنيا راح تخسره وتطلع من الدنيا بغطاء ابيض فقط...

كلنا نبحث عن الحب الصادق ولكن اين نجده في والدتك ووالدك واخوتك وزوج او زوجة المستقبل فقط..

علاقه غير شرعيه لن تدوم ابدآ خزي في الدنيا وعذاب بالاخره

كلنا نغلط ولكن الغبي اللذي يعود لنفس الغلط
والذكي من يعتبرها تجربه وكبوت حصان له ويبتعد عنها ومن ثم يتجاهلها
والمسكين من يبتعد عنها ويندب حظه ويلوم نفسه ويعض اصابع الندم طوول حياته...

الى هنا اكتفي

ولي عودهـ
برب